Velkommen til posterutstillinga til #klimaomstilling 2021! Posterane nedanfor viser arbeidet til masterstudentane frå Climate Change Management ved Høgskulen på Vestlandet, Campus Sogndal.
#klimaomstilling er ein årleg konferanse som har opphav i eit mangeårig, regionalt samarbeid på klimaområdet og innan tilpassing til klimaendringar. Dette samarbeidet starta i Sogn og Fjordane, men blir ført vidare i Vestland fylke. I år blir konferansen gjennomført digitalt.
Er du interessert i eit av prosjekta som er presentert her, eller har du spørsmål til studentane? Legg gjerne igjen ein kommentar eller eit spørsmål i kommentarfeltet under posteren, eller send dei spørsmåla direkte. Posterane er presenterte under Creative Commons-lisensar.
Arrangørane av #klimaomstilling 2021 er Vestlandsforsking, Norsk senter for berekraftig tilpassing, Høgskulen på Vestlandet, Vestland fylkeskommune, Statens vegvesen, Statsforvaltaren i Vestland, Norges vassdrags- og energidirektorat, Universitetet i Bergen, Senter for klima og energiomstilling, Klimapartenere og Innovasjon Norge.
